काठमाडौं । प्रधानमन्त्री कप क्रिकेट प्रतियोगितामा कर्णाली प्रदेशले लुम्बिनी प्रदेशविरुद्ध रोमाञ्चक जित निकालेको छ ।

बिहीबार सिद्धार्थ क्रिकेट रंगशालामा सम्पन्न खेलमा कर्णालीले प्रस्तुत गरेको २०६ रनको लक्ष्य पछ्याउने क्रममा लुम्बिनीले ४९.४ ओभरमा २०० रन बनाउँदा सबै विकेट गुमायो ।

लुम्बिनीको ब्याटिङमा प्रज्वाल थापाले सर्वाधिक ८४ रन बनाए । उनले १०७ बलमा ६ चौका प्रहार गरे । कप्तान देव खनालले ४० रन जोडे । आकाश त्रिपाठीले २१ रन र मनिष थापाले १६ रन बनाए ।

बलिङमा कर्णालीका दिनेश अधिकारी र दिपेन्द्र रावतले समान तीन विकेट दिलाए । प्रकाश जैशीले दुई विकेट लिँदा दिवान पुन र सुनिल धमलाले एक–एक विकेट लिए ।

त्यसअघि टस जितेर ब्याटिङ गरेको कर्णालीले ४८.५ ओभरमा सबै विकेट गुमाएर २०६ रनको लक्ष्य सुम्पेको थियो । कर्णालीका दिपेन्द्र रावटले सर्वाधिक ६६ रन बनाए ।

८४ बलमा उनले ९ चौका प्रहार गरे । अर्जुन घर्तीले ५६ रन जोडे । सुनिल धमलाले १९ रन बनाए । दिनेश अधिकारीले १६ रन प्रहार गरे निश्चल रावलले ११ रन जोड्दा विपिन रावलले १० रन प्रहार गरे ।  

बलिङतर्पm रमेश कुर्मीले ३७ रन खर्चेर तीन विकेट लिए । निर्मल गुरुङ, अजय चौवानले, बीप्रासोन केसीले समान एक एक विकेट लिँदा देव खनालले एक विकेट दिलाए ।

जितसँगै कर्णाली तेस्रो जित निकाल्दै ६ अंक बनाएर अंक तालिकाको पाँचौँ स्थानमा उक्लेको छ । पराजित लुम्बिनी भने हारे पनि आठ अंकसहित तेस्रो स्थानमा यथावत् छ ।