काठमाडौं । राष्ट्रिय प्रजातन्त्र पार्टी (राप्रपा)की सांसद रोशन कार्कीले फागुन २५ गते (आइतबार) पूर्वराजा ज्ञानेन्द्र शाहको पक्षमा निकालिएको र्‍याली ट्रायलमात्रै भएको बताएकी छन् ।

आज प्रतिनिधिसभा बैठकमा उनले सांसदहरूले गरेको पूर्वराजालाई 'भूत' भनेकामा आपत्ति जनाइन् ।

नेकपा (माओवादी केन्द्र) सांसद रणेन्द्र बरालीले 'भूत' भनेपछि उनले जवाफी प्रश्न गरिन्, “लेनिनको भूत हो कि ? माओवादीको भूत हो ?”

उनले अरू जिल्लाबाट पनि मानिस निस्कदाँ 'लुक्ने ठाउँ पनि नहोला' भन्दै चेतावनी दिइन् । “राजाको जयजयकार गरेको र नेताहरू जिल्लामा जाँदा मुर्दावादको नारा उहाँले सुन्नुभएको थिएन होला,” उनले भनिन्, “ यो त मित्र ट्रायलमात्रै हो,” उनले भनिन्, “अरू ७३ जिल्लाका मान्छे थपिए भने जुन भिड आउँछ, त्यो देखेर नआत्तिनुहोला । लुक्ने ठाउँ खोजेर बस्नुहोला ।”

उनले सरकारको नालायकीपनले भिड जन्माएको दाबी गरिन् । “यो नालायक सरकारले जन्माएको भिड हो, बुझिराख्नुस् ,” उनले भनिन् ।