काठमाडौं । अल्फा अटोमोटिभका टेक्निसियन विनोद महर्जन सुपर स्क्वाड ३.० ग्लोबल टेक्निसियन कम्पिटिसनमा पहिलो रनर–अप बनेका छन् ।

रोयल इनफिल्ड नेपालको आधिकारिक बिक्रेता अल्फा अटोमोटिभको नक्साल सर्भिस सेन्टरका सिनियर टेक्निसियन महर्जनले उत्कृष्ट प्रदर्शन गर्दै सुपर स्क्वाड ३.० ग्लोबल टेक्निसियन कम्पिटिसनमा यो स्थान हासिल गरेका हुन् ।

भारतको चेन्नईमा फेब्रुअरी ६ मा सम्पन्न प्रतियोगितामा विनोदले आफ्नो उच्च दक्षता, समर्पण, र व्यावसायिक क्षमताको प्रस्तुत गरेका हुन् ।

मोटरसाइकल मर्मत तथा प्रविधिगत समस्याहरूको समाधान गर्ने सीपमा आधारित यो प्रतियोगितामा विश्वभरका ४० देशबाट छनोट भएका उत्कृष्ट टेक्निसियनबीच प्रतिस्पर्धात्मक थियो ।

चेन्नईको सो कार्यक्रममा रोयल इनफिल्ड इन्डिया का ग्लोबल प्रोडक्ट हेडप्रदिप मेथ्युले, महर्जनलाई बधाईसहित प्रमाणपत्र प्रदान गरेको कम्पनीले जनाएको छ  ।

यसले नेपालका प्राविधिक अन्तर्राष्ट्रियस्तरमा प्रतिस्पर्धा गर्न सक्षम छन् भन्ने पुष्टि भएको र यसले थप हौसला प्रदान गर्ने अल्फा अटोमोटिभले जनाएको छ ।