काठमाडौं । काठमाडौंको असन चोकको एक घरमा आगो लागेको छ । सामान राखेको गोदाममा आगलागी भएको जिल्ला प्रहरी परिसरका प्रवक्ता डीएसपी पूर्णिमा चन्दले जानकारी दिइन् ।

बिहीबार दिउँसो ४ बजे असन चोकबाट महाबौद्ध मन्दिर जाने बाटोको गोदाम घरमा आगो लागेको हो ।

आगलागीको खबर पाएलगत्तै नेपाल प्रहरी, नेपाली सेना र सशस्त्र प्रहरी बलको टोली नियन्त्रणका लागि खटिएको छ । आगो नियन्त्रणको प्रयास जारी छ ।