काठमाडौं । सुनकोसी वाङ्मय प्रतिष्ठानले पठन संस्कृतिको विकासका अभियानको थालनी गरेको छ । यसै क्रमलाई निरन्तरता दिन प्रतिष्ठानले जिल्ला प्रहरी कार्यालय, काभ्रेलाई पुस्तकहरू हस्तान्तरण गरेको छ ।
जिल्ला प्रहरी कार्यालयका प्रमुख प्रहरी उपरीक्षक बसुन्धरा खड्कालाई प्रतिष्ठानका अध्यक्ष छविरमण सिलवाललगायतले पुस्तकहरू हस्तान्तरण गरे ।
उक्त अवसरमा प्रमुख प्रहरी उपरीक्षक खड्काले जिल्ला प्रहरी कार्यालय काभ्रेपलान्चोकको नवप्रवर्तनीय कार्य ‘हामी पनि पढ्छौँ’ अभियानमा घुम्ती पुस्तकालयअन्तर्गत विभिन्न विधाका पुस्तक संकलन गर्ने जानकारी दिइन् । उनले यस कार्यबाट मातहतका सबै प्रहरी इकाइमा कार्यरत प्रहरी कर्मचारीहरूको ज्ञान र आत्मस्फूर्तिमा वृद्धि हुने बताइन् ।
प्रतिष्ठानका अध्यक्ष सिलवालले घट्दो पठन संस्कृतिको विकास र विस्तारका लागि संस्थाले विभिन्न अभियान सञ्चालन गर्ने जानकारी दिए ।
-1747106471.jpg)
-1745727458.jpg)
