विराटनगर । नेकपा (एमाले)को कोसी प्रदेश कमिटीले संसदीय दलसँग छलफल भएको छ । एमाले संसदीय दलको कार्यालय कोसी प्रदेश सभामा सोमबार दलका नेता तथा मुख्यमन्त्री हिक्मत कार्की र प्रदेश इन्चार्ज शेरधन राईको उपस्थितिमा छलफल भएको हो ।

हिउँदे अधिवेशन, पार्टी र संसदीय दलबीच हुनुपर्ने समन्वयलगायत विषयमा छलफल भएको मुख्यमन्त्रीका प्रेस सल्लाहकार विक्रम लुइँटेलले जानकारी दिए ।

कोसी सभाको हिउँदे अधिवेशन सोमबार दिउँसो २ बजेका लागि आह्वान गरिएको छ । सभामा प्रमुख दलका नेताहरूले सम्बोधन गर्ने कार्यसूची छ ।

कोसीमा एमाले सबैभन्दा ठूलो दल हो । अहिले कांग्रेससँग मिलेर सरकारको नेतृत्व गरिरहेको छ ।