काठमाडौं । भारतमा जारी खो खो विश्वकपमा नेपाली राष्ट्रिय पुरुष र महिला दुवै टिमले सेमिफाइनलमा स्थान बनाएका छन् ।

शुक्रबार भारतको नयाँ दिल्लीस्थित इन्दिरा गान्धी इन्डोर रंगशालामा भएको खेलमा नेपाली पुरुष टिमले बंगलादेशविरुद्ध ६७–१८ ले पराजित गर्दै अन्तिम चारको यात्रा तय गरेको हो । यस्तै, नेपाली महिला टिमले पनि शुक्रबारै भएको खेलमा इरानविरुद्ध १०३–८ ले पराजित गर्दै सेमिफाइनल यात्रा तय गरेको हो ।

प्रतियोगिताको फाइनल प्रवेशका निम्ति नेपाली पुरुष टिमले अब इरानसँग खेल्ने छ । यस्तै, महिला टिमले भने युगान्डाविरुद्ध प्रतिस्पर्धा गर्नेछ ।