site stats
बाह्रखरी :: Baahrakhari
राजनीति
सत्ताको चाबी कांग्रेसले बोक्नुपर्छ : शेखर कोइराला

काठमाडौं । नेपाली कांग्रेसका नेता डा. शेखर कोइरालाले कांग्रेसले सत्ताको नेतृत्व गर्नुपर्ने बताएका छन् । 

भक्तपुरमा शनिबार आयोजित एक कार्यक्रमलाई सम्बोधन गर्दै उनले देश अफ्ठ्यारो परिस्थितिमा गएको बताए । नेपाली कांग्रेस मध्यमार्गी पार्टी भएकाले सत्ताको चाबी आफूसँग खोस्नुपर्ने बेला भइसकेको उनको भनाइ छ । 

Argakhachi Cement Island Ad

कोइरालाले कुनै पनि देशमा मध्यमार्गी पार्टी कमजोर भए देश अराजकतातिर जाने जिकिर गरे । नेपाली कांग्रेस सरकारमा रहेको तर सत्ताको चाबी वामपन्थीहरूसँग रहेको भन्दै उनले सत्ताको चाबी कांग्रेसले खोल्नुपर्ने बताए । 

कांग्रेसको प्रतिष्पर्धी नेकपा एमाले भएकाले एमालेले गरेका नराम्रा कामहरू नागरिकसमक्ष लैजानुपर्नेमा उनको जोड छ । 

“एमालेले गलत  काम गरेको छ  भने गलतलाई गलत र सहीलाई सही भन्न सकौँ, उनले भने, “नेपाली कांग्रेसका कार्यकर्ताले गलतलाई गलत भन्न सकेनन् भने ती कार्यकर्ता नेपाली कांग्रेसका कार्यकर्ता होइनन् ।” —न्युज एजेन्सी नेपाल

प्रकाशित मिति: शनिबार, जेठ २४, २०८२  ११:३२
प्रतिक्रिया दिनुहोस्