काठमाडौं । सीजी डिजिटलले एकैपटक पाँच नयाँ सोरुम उद्घाटन गरेको छ । सीजीले आफ्नो सेवा विस्तार गर्दै बिर्तामोड, दमक, वीरगन्ज, नवलपरासी र काठमाडौंको विशालनगरमा नयाँ सोरुम सञ्चालनमा ल्याएको हो ।

शाखाबाट ग्राहकले रेफ्रिजरेटर, वासिङ मेसिन, एलईडी टीभी, चिम्नी, ग्यास चुल्हो, भान्साका उपकरणलगायत इलेक्ट्रोनिक्स उत्पादन पाउन सक्ने कम्पनीले जनाएको छ ।

जहाँ अन्तर्राष्ट्रियस्तरका उत्कृष्ट ब्रान्डहरू (एलजी, सीजी, टीसीएल, गोदरेज, बेको, माइडिया, केन्ट, एलिका, सेन्सई, ब्लयाक प्लस डेकर, क्रम्टन, नथिङ र एप्पल आइफोन)लगायत उत्पादन उपलब्ध हुने कम्पनीले जनाएको छ ।

आफ्ना सामानहरूको प्रदर्शन र सुपथ मूल्यमा बिक्री वितरण तथा अन्तर्राष्ट्रियस्तरको ग्राहकको सेवा, विशेष जानकारी तथा प्रयोगबारे शिक्षा प्रदान गराउने उद्देश्यसहित सोरुम सञ्चालन गरिएको कम्पनीको भनाइ छ ।

दक्ष र अनुभवी सेल्स पर्सनबाट ती सोरुममा भएका विद्युतीय सामग्रीहरूको पूर्ण जानकारी र यस विशेष अवसरमा ग्राहकले ३० प्रतिशसम्मको विशेष छुट पाउन सक्नेछन् । तर, यो छुट सीमित अवधिका लागि मात्र मान्य हुने कम्पनीको भनाइ छ ।

नयाँ शाखामा फ्री कुकिङ क्लास र लाइभ डेमोको समेत व्यवस्था गरिएको छ, जसमा सहभागी भएर ग्राहकले नयाँ तथा रोचक खाना पकाउने कला सिक्न सक्नेछन् ।

यी पाँच वटासमेत गर्दा सीजी डिजिटलका शाखाहरूको संख्या २७ पुगेको छ, जसले देशभरका ग्राहकहरूलाई उच्च गुणस्तरीय उत्पादन र सेवा उपलब्ध गराउने कामलाई अझ प्रभावकारी बनाएको छ ।