काठमाडौं । युट्युब ट्रेन्डिङमा सर्ट्सले नै अन्य कन्टेनलाई पछि पारेको छ । युट्युबको समग्र ट्रेन्डिङमा सर्ट्सलाई अरु कुनै कन्टेनले उछिन्न सकेका छैनन् । 

एकदेखि ४६ नम्बर ट्रेन्डिङसम्म सर्ट्स भिडियो छन् । ४७ नम्बरमा चलचित्र ‘दर्शनस् काटेर’ छ । लामो समयदेखि युट्युब ट्रेन्डिङमा सर्ट्सलाई अरु कन्टेनले उछिन्न सकेका छैनन् । सर्ट्समा बालबालिकालक्षित कन्टेन हुन्छन् । 

मुभी सेक्सनमा ‘सिकन्दर’को टिजर छ । सलमान खानको चलचित्र ‘सिकन्दर’को यो टिजर दुई हप्ताअगाडि सार्वजनिक भएको थियो । यो अहिलेसम्म युट्युबको मुभी सेक्सनको पहिलो नम्बरमा छ । 

दुई नम्बरमा ‘कार्साङ’को टिजर छ । ट्रेलर आउट भएको केही समयपछि नै दुई नम्बरमा आइपुगेको ट्रेलर अहिलेसम्म दुई नम्बरमै छ । 

युट्युबको म्युजिक सेक्सनको ट्रेन्डिङको पहिलो नम्बर दुर्गेश थापाको गीतले ओगटेको छ । ‘दुस्मन हेरेको हेरै...’ बोलको गीत छ । यो गीत १३ दिनअगाडि रिलिज भएको हो । 

दुई नम्बरमा ‘ऊनको स्वीटर’को गीत छ । ‘मखमली’ बोलको गीतमा सुजन चापाईंको स्वर छ । दुई हप्ताअगाडि सार्वजनिक भएको यो गीतको भिडियो रिलिजको छोटो समयमै दुई नम्बर ट्रेन्डिङमा आइपुगेको थियो ।    

युट्युबको गेमिङ सेक्सनमा ‘फाइनल गेमिङ’को भिडियो ट्रेन्डिङको एक नम्बरमा छ । दुई नम्बरमा ‘टोनडे गेमर’को भिडियो गेम छ । 

यी दुईवटै भिडियो दुई दिनअगाडि अपलोड भएका हुन् ।