काठमाडौं । भक्तपुरमा आफ्नै छोराको हत्या आरोपमा प्रहरीले एक व्यक्तिलाई पक्राउ गरेको छ । पक्राउ पर्नेमा भक्तपुर नगरपालिका–२ मा बस्दै आएका अछामको कमलनगर नगरपालिका–६, हात्तीबाचका ६३ वर्षीय दीपबहादुर शाही छन् ।

दीपबहादुरलाई उनकै छोरा ३१ वर्षीय नरेन्द्रबहादुर शाहीको हत्या आरोपमा मंगलबार (हिजो) राति पक्राउ गरिएको प्रहरी प्रधान कार्यालयले जानकारी गराएको छ ।

दीपबहादुरले विवादका क्रममा चक्कु प्रहार गर्दा नरेन्द्र गम्भीर घाइते भएका थिए । भक्तपुर अस्पतालमा उपचारका क्रममा उनको मृत्यु भएको प्रहरीले जनाएको छ ।