काठमाडौं । दक्षिण भारतीय अभिनेता अल्लु अर्जुनलाई प्रहरीले पक्राउ गरेको छ । डिसेम्बर ४ मा हैदराबादमा चलचित्र ‘पुष्पा–२’को प्रिमियरमा भएको भागदौड सम्बन्धी घटनामा उनी पक्राउ परेका हुन् ।

भागदौडमा ३९ वर्षीया महिलाको मृत्यु भएको थियो भने उनका छोराको अवस्था गम्भीर छ ।

घटनामा प्रहरीले सन्ध्या थिएटर व्यवस्थापन, कलाकार र उनको सुरक्षा टोलीविरुद्ध मुद्दा दायर गरेको थियो ।

चलचित्रको टोली प्रिमियरको लागि जाँदै छ भनेर पूर्वसूचना नदिइएको अधिकारीहरूले बताएका थिए । अल्लु अर्जुनलाई प्रहरीले शुक्रबार हिरासतमा लिएको बताइएको छ ।

अल्लु अर्जुन चलचित्र ‘पुष्पा–२’ का अभिनेता हुन् ।