काठमाडौं । दोलखाको गौरीशंकर गाउँपालिकाको उपाध्यक्षमा नेकपा (एमाले)की उमा लुङ्गेली मगर शेर्पा निर्वाचित भएकी छन् । आइतबार भएको उपनिर्वाचनबाट शेर्पा दुईहजार ८०५ मत ल्याएर निर्वाचित भएकी हुन् ।

उनकी निकटतम प्रतिद्वन्द्वी नेकपा (माओवादी केन्द्र)की निम लेकी शेर्पाले दुईहजार ६०० मत ल्याइन् । यस्तै, नेपाली कांग्रेसकी पासदिकी तामाङले एकहजार ७२७ मत ल्याइन् ।

०७९ काे निर्वाचनमा कांग्रेसबाट उपाध्यक्षमा निर्वाचित श्यामसुन्दर तामाङको ०८० असार ३१ गते हृदयाघातका कारण निधन भएको थियो ।

०७९ मा कांग्रेस–माओवादी गठबन्धनबाट निर्वाचित तामाङले चार हजार ७४१ मत ल्याएका थिए । निकटतम प्रतिस्पर्धी एमालेकी मुना शिवाकोटीले तीन हजार २८१ मत ल्याएकी थिइन् । राप्रपाकी यशोदा पाठकले २४ मत पाएकी थिइन् ।