काठमाडौं । ललितपुरमा जुवातास खेलिरहेको अवस्थामा प्रहरीले १२ जनालाई पक्राउ गरेको छ । पक्राउ पर्नेमा रामेछापको दोरम्बा घर भई काठमाडौंको सुन्धारामा बस्दै आएका ३३ वर्षीय सुमन श्रेष्ठसहितका व्यक्तिहरू छन् ।

महालक्ष्मी नगरपालिका–८, लुभुस्थित निरन्जन पाण्डेको पिस हिल रिसोर्टमा जुवातास खेलिरहेको अवस्थामा बुधबार राति उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

नगद सात लाख ३० हजार रुपैयाँ र नौ बुक ताससहित उनीहरूलाई पक्राउ गरिएको प्रहरीले जनाएको छ ।