काठमाडौं । नेपाली चलचित्र ‘मिसिङः केटी हराएको सूचना’ को दोस्रो टिजर  सार्वजनिक भएको छ । टिजरमा चलचित्रका मुख्य पात्रहरू नाजिर हुसेन र सृष्टि श्रेष्ठको प्रेमकथा देखिएको छ । 

प्रेममा उतारचढाव देखाइएको टिजरमा प्रेम, द्वन्द्व, र रहस्यलाई समेटिएको छ । टिजरको अन्त्यमा नाजिरलाई सृष्टिले अपहरण गरेको दृश्य देखाइएको छ । 

‘मिसिङः केटी हराएको सूचना’ कात्तिक ३० मा प्रदर्शन हुँदै छ । चलचित्रलाई दीपेन्द्र गौचनले निर्देशन गरेका छन् । स्क्रिप्ट पनि उनी स्वयंले लेखेका छन् । 

चलचित्रमा नाजिर र सृष्टिसँगै सञ्जय गुप्ता, रामनारायण ठाकुर, मदन ठाकुर, रिना रिमाल, कौशल्या ठाकुर, ललितादेवी मिश्रलगायतको अभिनय छ ।