काठमाडौं । काठमाडौंस्थित फिनल्यान्डको दूतावासको पर्खालमा महिलाहरूको एक समूहले मिथिला चित्रकला कोरिरहेका छन् । उनीहरू दूतावासको निमन्त्रणामा जनकपुरबाट आएका हुन् ।

उनीहरू जनकपुरको नारी विकास केन्द्रमा कार्यरत छन् । सेवाग्राहीको मागअनुसार आफूहरू केन्द्रकैतर्फबाट विभिन्न ठाउँ पुग्ने गरेको उनीहरू बताउँछन् ।

बर्सौंदेखि मिथिला चित्रकला कोर्दै आएका उनीहरू नेपालका विभिन्न ठाउँ पुगिसकेका छन् । देशबाहिर अमेरिका, स्विजरल्यान्डसहितका देश पुगेर मिथिला चित्रकला कोरिसकेको उनीहरू बताउँछन् ।

तस्बिरहरू : सुनिल प्रधान/बाह्रखरी