site stats
बाह्रखरी :: Baahrakhari
खेल
Global Ime bankGlobal Ime bank
आर्मीको फराकिलो जितमा चन्द्राको ह्याट्रिक 

काठमाडौं । चन्द्रा भण्डारीको ह्याट्रिकप्रेरित त्रिभुवन आर्मी क्लबले राष्ट्रिय महिला लिग–२०२४ मा स्याङ्जाको वालिङ नगरपालिकाविरुद्ध ८–० को सहज जित निकालेको छ । 

मंगलबार सातदोबाटोस्थित एन्फा मुख्यालयमा भएको खेलमा आर्मीलाई जित दिलाउन चन्द्राले ह्याट्रिक गर्दा विमला विक र अमिषा कार्कीले समान दुई गोल गरे । आर्मीले अर्को एक गोल भने वालिङबाट आत्मघाती भएको थियो । 

खेलको ३८औँ मिनेटमा विमलको गोलमा आर्मीले अग्रता बनाएको थियो । ४२औँ मिनेटमा चन्द्राले गोल गर्दै आर्मीको अग्रता दोब्बर बनाइन् । त्यसको दुई मिनेटपछि वालिङकी विदेशी खेलाडी फातुमाह नाकासुम्बाबाट आत्मघाती गोल हुँदा आर्मीले पहिलो हाफमा ३–० को अग्रता बनाएको थियो । 

५४औँ मिनेटमा चन्द्राले दोस्रो गोल गर्दा आर्मीले अग्रता ४–० मा पुर्‍यायो । ६१औँ मिनेटमा अमिषाले आर्मीका लागि पाँचौँ गोल गरिन् । त्यसको १० मिनेटपछि अमिषाले नै टिमका लागि छैटौँ गोल गरिन् । ७३औँ मिनेटमा चन्द्राले ह्याट्रिक गर्दा आर्मीले अग्रतालाई ७–० मा लम्ब्याएको थियो ।

यस्तै, निर्धारित समयको अन्तिम मिनेटमा विमलाले व्यक्तिगत दोस्रो गोल गरेपछि आर्मीले ८–० को सहज जित निश्चित गरेको हो । जितसँगै आठ खेलबाट १९ अंक जोडेको आर्मी तालिकाको दोस्रो स्थानमा यथावत् छ । समान खेल खेलेको वालिङको १२ अंकसहित चौथो स्थानमा छ ।

प्रकाशित मिति: मंगलबार, असोज ८, २०८१  १४:४५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro