काठमाडौं । नेपाली पौराणिक एक्सन थ्रिलर चलचित्र ‘डीएनए’को टिजर सार्वजनिक गरिएको छ । टिजरमा नवअभिनेता सुधन पोखरेलको एक्सन देख्न सकिन्छ । 

निर्माणपक्षले छायांकन अघि नै ‘अनाउन्समेन्ट टिजर’ सार्वजनिक गरिएको हो ।

टिजरमा अभिनेता पोखरेल एक व्यक्तिले रक्षामा देखिन्छन् । उनले  एक रहस्यमय बाकसबाट निस्किरहेको अनौठो प्रकाश टिजरमा देखाइएको छ । 

निर्देशक चानस पुन मगरले उक्त बाकसबाट निस्किएको प्रकाश कुनै पौराणिक वस्तुको प्रतीकको रूपमा प्रस्तुत गरिएको बताएका छन् । 

चलचित्र ‘डीएनए’लाई चानस पुन मगर र मणिरत्न त्रिपाठीले संयुक्त रूपमा लेखन तथा निर्देशन गर्दै छन् । चलचित्रको छायांकन फागुनमा हुनेछ ।