काठमाडौं । कुमारी बैंकले यही असोज ४ गते ‘लिडरसिप कन्केल्भ नेपाल २०२४’ आयोजना गरेको छ । कुमारी बैंक भिसा इन्टरनेसनलले लिडरसिप कन्केल्भ नेपाल २०२४ आयोजना गरेको हो । उक्त अवसरमा कुमारी बैंक ‘एक्सिलेन्स इन कन्जुमर्स क्रेडिट कार्ड्स बिजनेस’ र ‘एक्सिलेन्स इन क्रस बोर्डर बिजनेस’ अर्वाडद्वारा सम्मानित भएको छ ।

स्थापनाकालदेखि नै बैंकिङ सेवा सुविधामा आधुनिक डिजिटल प्रणालीलाई आत्मसात् गर्दै अघि बढेको र आउँदा दिनमा पनि आफ्ना सेवाको प्रभावकारिता तथा पहुँच वृद्धिका निमित्त डिजिटल सामर्थ्य सुदृढीकरणमा दत्तचित्त भएर अघि बढ्ने प्रतिबद्धता कुमारी बैंकले जनाएको छ ।

विगत २३ वर्षदेखि निरन्तर बैंकिङ सेवा दिँदै आएको कुमारी बैंकले अनवरत रूपमा वित्तीय साक्षरता प्रवर्द्धन गर्दै आफ्ना देशभर रहेका ३०२ शाखा सञ्जाल, ३१८ एटीएम, ५० एक्सटेन्सन काउन्टर र ५७ शाखारहित बैंकिङ इकाइमार्फत आफ्ना ग्राहकलाई अत्याधुनिक तथा प्रभावकारी सेवा प्रदान गर्दै आएको छ । आउँदा दिनमा पनि अझ सरल, सुलभ तथा उत्कृष्ट सेवाका निम्ति सहकार्य गर्दै जाने प्रतिबद्धता जनाइएको छ ।