काठमाडौं । सिटी एक्सप्रेस मनी ट्रान्सफरले दसैँ, तिहार र छठलाई लक्षित गर्दै १८ वर्ष प्रवेश गरेको उपलक्ष्यमा ९० दिनसम्म चल्ने '१८औँ वर्षमा १८ गुणा, परिवारमा खुसी लाखौ गुणा' उपहार योजना घोषणा गरेको छ । लगातार ९० दिनसम्म चल्ने योजनामा विभिन्न किसिमका उपहार योजना छन् ।

यसअन्तर्गत लक्की ड्रमार्फत हरेक महिना दुईजनालाई सामसङको स्मार्ट फोन मिल्ने भएको छ । हरेक हप्ता दुईजनालाई सामसुङको स्मार्ट टीभी र ९० दिनसम्म लगातार हरेकदिन १८ जना विजेतालाई जनही ५०० रुपैयाँको वालेट टपअप मिल्ने भएको छ ।

योजनाको अन्त्यमा एकजना बम्पर विजेताले आफूले पठाएको रकमको १८ गुणा बढी रकम पाउने योजना रहेको कम्पनीले जनाएको छ । 

कम्पनीका अनुसार अफर असोज १ देखि मंसिर ३० गतेसम्म चल्नेछ । यो अवधिभर सिटी एक्सप्रेसमार्फत विदेशबाट पैसा पठाउने सम्पूर्ण सेवाग्राही यो उपहार योजनामा सहभागी हुनेछन् । उपहारको विजेता छनोट विद्युतीय प्रणालीद्वारा गरिने र यो योजना सिटी एक्सप्रेसमा कार्यरत कुनै पनि कर्मचारीलाई लागु नहुने कम्पनीले जनाएको छ ।

विगत १८ वर्षदेखि संसारभरबाट विप्रेषण सेवा प्रदान गर्दै आइरहेको सिटी एक्सप्रेस मनी ट्रान्सफरले सिटी पे वालेटमार्फत अनलाइन भुक्तानीको सेवा सुचारु गरेको छ । साथै, सिटी पेबाट रेमिट्यान्स भुक्तानी पनि गर्न सकिने कम्पनीले जनाएको छ ।