काठमाडौं । सहकारीको बचत रकम दुरुपयोगसम्बन्धी गठित संसदीय छानबिन विशेष समितिको म्याद थप गर्ने तयारी गरिएको छ । समितिकाे म्याद १५ दिन थप्ने प्रस्ताव राख्न लागिएकाे स्राेतले जनाएकाे छ ।

मंगलबार प्रतिनिधिसभा बैठकमा समितिका सभापति सूर्यबहादुर थापाले समितिको कार्यावधि थप गर्न प्रस्ताव प्रस्तुत गर्ने तय भएको छ । प्रतिनिधिसभाको बैठक मंगलबार १ बजेका लागि बोलाइएको छ । 

गएको जेठ १५ गते गठित समितिकाे कार्यावधि भदाै २३ गतेबाट सकिँदै छ । 

समितिमा एमालेबाट सरिता भुसाल सदस्य छिन् । नेपाली कांग्रेसबाट ईश्वरी न्यौपाने र बद्री पाण्डे छन् । माओवादीबाट लेखनाथ दाहाल, रास्वपाबाट शिशिर खनाल छन् । राप्रपाबाट धुव्रबहादुर प्रधान छन् ।