काठमाडौं । महालक्ष्मी विकास बैंकले टाटाका गाडी खरिदका लागि ९.९९ प्रतिशत ब्याजदरमा ऋण उपलब्ध गराउने भएको छ । यसका लागि बैंक र नेपालका लागि टाटा गाडीको डिलर जेबी अटोमोटिभबीच सम्झौता भएको छ । 

सम्झौता अनुसार टाटाका गाडी खरिद गर्न इच्छुक ग्राहकले महालक्ष्मी विकास बैंकमा ९.९९ प्रतिशतमै कर्जा पाउने भएका हुन् ।

विद्युतीय गाडीको हकमा अधिकतम पाँच वर्ष अवधि रहने गरी भ्याट बिल वा कोटेसन मूल्यको ८० प्रतिशत (जुन कम हुन्छ) ऋण उपलब्ध गराउने कम्पनीले जनाएको छ । अन्य गाडीमा अधिकतम आठ वर्ष अवधि रहने गरी भ्याट बिल वा कोटेसन मूल्यको ५० प्रतिशत उपलब्ध गराउने बैंकले जनाएको छ ।

कर्जा लिन चाहने ग्राहकले बैंकको आधिकारिक वेबसाइट, सामाजिक सञ्जालहरू, सम्पूर्ण शाखा कार्यालयहरू तथा पत्रपत्रिकामा रहेको क्यूआर कोड स्क्यान गरेर आवेदन दिन सक्ने बैंकले जनाएको छ ।

'सबल बैंक, सफल सहकार्य'को नारालाई आत्मसाथ गर्दै नेपाली जनताको घरदैलोमा विगत ३० वर्षदेखि अनवरत रूपले गुणस्तरीय वित्तीय सेवा प्रदान गर्दै आएको यस बैंकको देशभर १०३ शाखा कार्यालयहरु र करिब सात लाख ग्राहक छन् ।