काठमाडौं । सर्लाही, उदयपुरलगायत क्षेत्रमा भारी वर्षा भएको छ । सर्लाहीको पत्थरकोट वर्षामापन केन्द्रलगायत आसपासका क्षेत्रमा मध्यमदेखि भारी वर्षा मापन भएको जल तथा मौसम विज्ञान विभागले जनाएको छ । 

उदयपुरको सुन्दरपुर वर्षामापन केन्द्रमा पनि भारी वर्षा मापन भएको छ । उक्त क्षेत्र भएर बहने त्रियुगा खोलालगायत अन्य स–साना खोलाहरूमा आकस्मिक बाढीको सम्भावना रहेको छ । 

• काठमाडौंसहित सातवटै प्रदेशमा बिहानैदेखि वर्षा 

तटीय क्षेत्र र डुबान भइरहने होचा भू–भागमा रहनेहरूले सतर्कता अपनाउनुपर्ने जल तथा मौसम विज्ञान विभागले जनाएको छ । 

हाल देशभर मनसुनी वायुको प्रभाव छ । मनसुनको न्यूनचापीय रेखा पश्चिमतिर सरदर स्थानमा र पूर्वतिर सरदर स्थानको केही  उत्तरतर्फ छ । जसका कारण वर्षा भइरहेको हो ।