काठमाडौं । नेपाली राष्ट्रिय महिला फुटबल टिमकी फरवार्ड रेखा पौडेलले युनाइटेड अरब इमिरेट्स (यूएई)को प्रो लिग खेल्ने भएकी छन् । रेखलाई प्रो लिगको क्लब आवुधावी काउन्ट्रीले अनुबन्ध गरेको हो ।

क्लब र रेखाबीच एक वर्षको सम्झौता भएको छ । उनी आइतबार यूएई पुगेकी थिइन् । मेडिकलमा पास भएसँगै क्लब र रेखाबीच सम्झौता भएको हो ।

रेखाले आवुधावी काउन्ट्रीबाटै एएफसी च्याम्पियन्स लिग खेल्नेछिन् । आवुधावी काउन्ट्री क्लबले पश्चिमी एसियाबाट च्याम्पियन्स लिग खेल्ने तय छ ।

आवुधावी काउन्ट्री यूएई प्रो लिगको साविक विजेता समेत हो । रेखासँग यसअघि भारतीय महिला लिगको अनुभव पनि छ ।