काठमाडौं । पेरिस ओलिम्पक–२०२४ को सातौँ दिन चीनले पदक तालिकाको शीर्ष स्थान कायम राखेको छ ।

शनिबारदेखि सुरु भएको प्रतियोगितामा शुक्रबारका खेलहरू जारी रहँदा चीन ११ स्वर्ण पदकसहित शीर्ष स्थानमा छ । कुल २४ पदक जितेको चीनले सात रजत र ६ कांस्य जितेको छ ।

प्रतियोगिताको सातौँ दिन अमेरिका दोस्रो स्थानमा उक्लिएको छ । कुल ३७ पदक जितेको अमेरिकाले नौ स्वर्ण, १५ रजत र १३ कांस्य जितेको छ ।

तालिकाको तेस्रो स्थानमा घरेलु टिम फ्रान्स छ । फ्रान्सले आठ स्वर्ण, ११ रजत र आठ कांस्यसहित २७ पदक जितेको छ । चौथो स्थानको अस्ट्रेलियाले पनि आठ स्वर्ण, ६ रजत र चार कांस्यसहित १८ पदक जितेको छ ।

पदक तालिकाको पाँचौँ स्थानमा जापान छ । जापानले आठ स्वर्ण, तीन रजत र पाँच कांस्यसहित कुल १६ पदक जितेको छ । छैटौँ स्थानमा ब्रिटेन छ । ब्रिटेनले ६ स्वर्ण, सात रजत र सात कांस्यसहित २० पदक जितेको छ ।

सातौँ स्थानको दक्षिण कोरियाले ६ स्वर्ण, तीन रजत र तीन कांस्यसहित १२ पदक जितेको छ । आठौँ स्थानमा इटाली छ । इटालीले पाँच स्वर्ण, सात रजत र चार कांस्य जितेको छ ।

यस सूचीको नवौँ स्थानमा क्यानडा र १०औँ स्थानमा जर्मनी छ । क्यानडाले तीन स्वर्ण, दुई रजत र तीन कांस्यसहित आठ पदक जितेको छ । यस्तै, १०औँ स्थानको जर्मनीले दुई स्वर्ण, दुई रजत र दुई कांस्यसहित ६ पदक जितेको छ ।

प्रतियोगिताको सातौँ दिनसम्म २९ देशले स्वर्ण पदक जितेका छन् । यस्तै, ३१ देशले रजत र ४० देशले कांस्य पदक जितेका छन् ।

पेरिस ओलम्पिकमा २०६ राष्ट्रका करिब १० हजार ५०० खेलाडीले ३२९ स्पर्धामा प्रतिस्पर्धा गरिरहेका छन् ।

कुन देशको पदक कति ?