पोखरा । कास्कीको पोखरा महानगरपालिका–२१, थुन्कुमा सोमबार बिहान एउटा स्कुल बस दुर्घटना हुँदा दुईजनाको मृत्यु भएको छ । २८ जना घाइते छन् ।

पोखरा महानगरपालिका–२१ बाट विद्यार्थी बोकेर पोखरा–१७ स्थित एलपी देवकोटा विद्यालयतर्फ आउँदै गरेको ग१क ६२१९ नम्बरको बस दुर्घटना भएको हो । दुर्घटनामा परी आमाछोराले ज्यान गुमाएका छन् ।

पोखरा–२१, रामादीका विद्यार्थी ६ वर्षीय प्रिन्स विक र सोही विद्यालयमा सहयोगीका रूपमा कार्यरत एवं उनकी आमा ३३ वर्षीया आरती विकको उपचारका क्रममा मृत्यु भएको जिल्ला प्रहरी कार्यालयले जानकारी गराएको छ ।

पोखराका तीन अस्पतालमा घाइते २८ जनाको उपचार भइरहेको छ । बसमा शिक्षक, अभिभावक समेत सवार थिए ।

प्रहरीका अनुसार, गण्डकी मेडिकल कलेजमा उपचाररत उक्त दुर्घटनाका घाइते–
– पोखरा–२१ का नौ वर्षीय अनमोल विक – अवस्था मध्यम ।
– पोखरा–२१ का पाँच वर्षीय रोशन बराल – अवस्था मध्यम ।
– पोखरा–२१ का १४ वर्षीय दिप्सन कार्की – अवस्था मध्यम ।
– पोखरा–२१ की ६ वर्षीया योना गुरुङ – अवस्था मध्यम ।
– पोखरा–२१ की १३ वर्षीया डिना गुरुङ – अवस्था सामान्य ।
– पोखरा–२१ की १५ वर्षीया प्रकृति कार्की – अवस्था मध्यम ।
– पोखरा–२१ का ६ वर्षीय प्रिन्स राना – अवस्था सामान्य ।
– पोखरा–२१ की सात वर्षीया चिजा विक – अवस्था सामान्य ।
– पोखरा–२१ का नौ वर्षीय प्रवेश कार्की – अवस्था मध्यम ।
– पोखरा–२१ की १२ वर्षीया विसिका पौडेल – अवस्था मध्यम ।
– पोखरा–२१ का ११ वर्षीय विश्वास पौडेल – अवस्था सामान्य ।
– पोखरा–२१ की १२ वर्षीया सिम्रन विक – अवस्था मध्यम ।
– पोखरा–२१ का ११ वर्षीय विवश खत्री – अवस्था मध्यम ।

पश्चिम क्षेत्रीय अस्पतालमा उपचाररत घाइते–
– पोखरा–२१ की आठ वर्षीया अनन्या पौडेल – अवस्था मध्यम ।
– पोखरा–२१ की तीन वर्षीया सिमन मगर – अवस्था मध्यम ।
– पोखरा–२१ का तीन वर्षीय न्युजन मगर – अवस्था मध्यम ।
– पोखरा–२१ का सात वर्षीय रिजन मगर – अवस्था मध्यम ।
– पोखरा–२१ का १२ वर्षीय रामकृष्ण नेपाली – अवस्था मध्यम ।
– पोखरा–२१ की दुई वर्षीया अंकित खत्री – अवस्था मध्यम ।
– पोखरा–२१ की १४ वर्षीया सीतादेवी विक – अवस्था मध्यम (छोरेपाटन सेकेन्डरी स्कुलमा अध्ययनरत विद्यार्थी) ।
– पोखरा–२१ का सात वर्षीय अस्मित विक – अवस्था मध्यम ।
– पोखरा–२१ की ३० वर्षीया सुमित्रा सुनार – अवस्था मध्यम (बच्चाको शुल्क तिर्न आएकी अभिभावक) ।
– पोखरा–२१ का दुई वर्षीय निर्दोष सुनार – अवस्था मध्यम ।
– पोखरा–२१ की ३० वर्षीया सपना आले – अवस्था मध्यम (शिक्षक) ।
– पोखरा–२१ का ११ वर्षीय निश्चल सुनार – अवस्था मध्यम ।

मणिपाल शिक्षण अस्पतालमा उपचाररत घाइते–
– पोखरा–१७ का ५५ वर्षीय टेकबहादुर भुजेल – अवस्था मध्यम (बसका चालक) ।
– पोखरा–२१ का आठ वर्षीय निशान सुनार – अवस्था सामान्य ।
– पोखरा–२१ का पाँच वर्षीय सागर थापा – अवस्था मध्यम ।