खेल
![एसिया कप क्रिकेट : नेपाल र पाकिस्तान भिड्दै](https://12khari.top/uploads/posts/woman-team-1721384053.png)
काठमाडौं । एसीसी महिला एसिया कप क्रिकेट प्रतियोगिताअन्तर्गत आज नेपाल र पाकिस्तानबीच प्रतिस्पर्धा हुँदै छ ।
श्रीलंकाको दम्बुला अन्तर्राष्ट्रिय क्रिकेट मैदानमा हुने उक्त खेल नेपाली समयानुसार बेलुका ७ः१५ बजे सुरु हुनेछ । प्रतियोगितामा लगातार दोस्रो जित निकाल्दै सेमिफाइनलमा पुग्ने लक्ष्यका साथ नेपाल मैदानमा उत्रनेछ ।
प्रतियोगिताको पहिलो खेलमा नेपालले यूलाई ६ विकेटले पराजित गरेको थियो । पाकिस्तान पनि पहिलो जित निकाल्ने उद्देश्यका साथ खेल्नेछ । यसअघि भएको पहिलो खेलमा पाकिस्तान भारतसँग सात विकेटले पराजित भएको थियो ।
सन् २०१६ मा भएको एसिया कपमा यी दुई टोलीको भेट भएको थियो । पाकिस्तानले नेपाललाई नौ विकेटले पराजित गरेको थियो । रासस
प्रकाशित मिति: आइतबार, साउन ६, २०८१ ०८:४२
प्रतिक्रिया दिनुहोस्