काठमाडौं । नेपालका निम्ति अनरको आधिकारिक वितरक सेल्ट्रोन नेपालले अनरको २०० सिरिजको प्रिबुकिङ बुधबार (आज)देखि खुला गरेको छ । कम्पनीले अनर २०० र अनर २०० प्रोलाई एआई सुविधासहित थप अपग्रेड गरी नेपाल भित्र्याएको जनाएको छ ।

के फिचर ?
फोनमा टेलिफोटो क्यामेरा र स्न्यापड्रागन चिप छ । ५० मेगापिक्सेल पोर्ट्रेट मुख्य क्यामेरा र ५० मेगापिक्सेलको सेल्फी क्यामेरा छ । यसमा १.५ के क्वाड–कर्व्ड फ्लोटिंग डिस्प्लेमा ४००० निट्सको पीक एचडीअर ब्राइटनेस छ ।

ब्याट्री र चार्जिङ
दुवै फोनमा ५२०० एमएएच सिलिकन–कार्बन ब्याट्री छ । एकपटक चार्ज गर्दा ६१ घण्टा टिक्ने कम्पनीले जनाएको छ । १०० वाटको चार्जिङ सपोर्ट गर्ने फोनको अनर २०० प्रोले ६६ वाटको वायरलेस चार्जिङ पनि सपोर्ट गर्छ ।

पफर्मेन्स
स्न्यापड्यागन ८एस जेन३ प्रोसेसर रहेको अनर २०० प्रोले सिमलेस ग्राफिक्स रेन्डरिङ र तीन गिगाहर्जसम्मको सीपीयू गति दिने कम्पनीले जनाएको छ । अनर २०० प्रो नेपालमा १२ जीबी र्‍याम र ५१२ जीबी स्टोरेज क्षमतामा आउने कम्पनीले जनाएको छ ।

यस्तै, स्न्यापड्यागन ७एस जेन३ चिप रहने अनर २०० मा १२ जीबी र्‍याम र २५६ र ५१२ जीबी स्टारेज भेरियन्टमा उपलब्ध छ । यी दुवै फोन एन्ड्रोइड १४ र मेजिक ओएस ८.० मा चल्ने कम्पनीले जनाएको छ ।

कति छ मूल्य ? 
अनर २०० को १२ जीबी र्‍याम र २५६ जीबी स्टोरेजको फोनको प्रतिमूल्य ६४ हजार ९९९ रुपैयाँ कायम छ । फोनको १२ जीबी र्‍याम र ५१२ जीबी स्टोरेजको भेरियन्टको मूल्य ६७ हजार ९९९ रुपैयाँ तोकिएको छ ।

अनर २०० को प्रिबुकिङमा ग्राहकले १३ हजार ९९९ रुपैयाँको अनर च्वाइस वाच एक हजार ९९९ मा पाउने सेलट्रोन नेपालले जनाएको छ । यो फोन ओसन सायन र ब्ल्याक गरी दुई रङमा उपलब्ध छ ।

अनर २०० प्रोको १२ जीबी र्‍याम र ५१२ जीबी स्टोरेजको भेरियन्टको मूल्य ८४ हजार ९९९ रुपैयाँ कायम छ । यसको प्रिबुकिङमा अनर च्वाइस वाच पाँच हजार ४९९ रुपैयाँमा उपलब्ध हुने र अनर च्वाइस एयरबड्स, स्क्रिन ब्रेकेज बिमा तथा भीआईपी कार्ड प्राप्त हुने बताइएको छ ।

अनरका मोबाइल स्टोर र दराज तथा हुकुट अनलाइनमार्फत जुलाई १७ देखि २३ सम्म प्रिबुकिङ गर्न सकिने कम्पनीले जनाएको छ ।