काठमाडौं । नेपाली कथानक चलचित्र ‘घरज्वाइँ’ आजबाट प्रदर्शनमा आएको छ । चलचित्रमा दयाहाङ राई, मिरुना मगर, बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्कबहादुर पुन (खबपु), अनु थापालगायतको अभिनय छ ।

अनिल बुढा मगरले निर्देशन गरेको चलचित्रलाई जनक घर्ती मगरले निर्माण गरेका हुन् ।

चलचित्रलाई मल्टिप्लेक्सले उच्च शो दिएका छन् । देशकै ठूलो मल्टिप्लेक्स चेन क्यूएफएक्सले मात्रै यो चलचित्रलाई ५४ शो दिएको छ । काठमाडौं उपत्यकामा २१ र बाहिर ३३ शो दिएको हो । 

वान सिनेमाजले ९, आईएनआईले १३ शो दिएको छ । एफक्यूबले ६ र बीएसआर मुभिजले ५ शोज दिएका छन् ।