काठमाडौं । सीजी मोटर्सले चिनियाँ अटोमोबाइल ब्रान्ड जीएसी मोटर्सलाई आधिकारिकरूपमा नेपाल भित्र्याएको छ ।

कम्पनीले जीएसी मोटर विश्वभर उच्च गुणस्तर र प्रविधिका लागि चिनिने बताएको छ ।

अन्तर्राष्ट्रियस्तरको गुणस्तर नेपालमा ल्याउन जीएसीको ‘एयोन वाई’ नेपाली बजारमा सीजी मोटर्सले सार्वजनिक गरेको छ ।

जीएसीले आफ्नो बजार ३२ भन्दा बढी देशमा सफलतापूर्वक विस्तार भइसकेको जनाएको छ ।

अनुसन्धान, विकास, प्रविधि र ग्राहक सन्तुष्टिलाई आफ्नो मेरुदण्ड बनाएर जीएसी मोटर्सले दक्षिण–पूर्व एसिया, पूर्वी युरोप, अफ्रिका र अमेरिकासहित विभिन्न क्षेत्रका अन्तर्राष्ट्रिय बजारहरू कब्जा गरेको कम्पनीको दाबी छ ।

यसका साथै सुरक्षा र प्रविधिका अत्याधुनिक विशेषता एवं आकर्षक डिजाइन रहेको एयोन वाईले नेपाली ग्राहकलाई आरामदायी र दिगो ड्राइभिङ अनुभव दिने कम्पनीको भनाइ छ ।