काठमाडौं । बारामा शनिबार भारी वर्षा भएको छ । अमलेखगन्ज, कलैया वर्षा मापन केन्द्र र आसपास मध्यमदेखि भारी वर्षा मापन गरिएको जल तथा मौसम विज्ञान विभागले जनाएको छ ।

ती क्षेत्रमा थप वर्षाको सम्भावना छ । पासाङ, दुधौरा, लालबकैयालगायत अरू साना खोलामा बहाव बढ्नेछ । खोलानदीतटीय क्षेत्रमा सतर्कता अपनाउन विभागले सचेत गराएको छ ।

“असार १५, राति ९ः१० । पछिल्लो तीन घण्टामा बाराको अमलेखगन्ज, कलैया वर्षा मापन केन्द्र र आसपास मध्यमदेखि भारी वर्षा मापन भएको र थप वर्षाको सम्भावना रहेकाले सो क्षेत्र भई बहने पासाङ, दुधौरा र लालबकैयालगायत अन्य साना खोलाको बहाव बढ्ने, तटीय क्षेत्रमा रहनुहुनेले सतर्कता अपनाऔँ,” विभागको सूचनामा उल्लेख छ ।