काठमाडौं । राष्ट्रिय स्वतन्त्र पार्टी (रास्वपा)का सांसद मनिष झाले जनकपुर गुठीको जग्गा स्थानीय प्रशासन, जनप्रतिनिधि, पत्रकार, ठेकेदारहरू मिलेर लुट गरिरहेको बताएका छन् । 

बुधबार प्रतिनिधिसभा बैठकको शून्य समयमा बोल्दै सांसद झाले यस्तो बताएका हुन् । उनले किश्वरदास र चर्तुभुज गिरीले जनकपुरको निर्माण प्रक्रिया सुरु गरी मकवानपुरको राजपरिवारबाट इन्द्रविधता सेनको तर्फबाट १४ सय विघा जग्गा दान दिएर जनकपुरमा दुई कुटी र ७२ कुण्ड सहरको रूपमा निर्माण भएको जानकारी दिए । तर, अहिले आएर जनकपुरका सबै गुठी र कुटी तथा ५२ कुण्ड ४० कुण्डमा झरेको उल्लेख गरे । 

उनले भने, "किश्वरदास र चर्तुभुज गिरीले जनकपुरको निर्माण प्रक्रिया सुरु गर्नुभयो । मकवानपुरको राजपरिवारबाट इन्द्रविधता सेनको तर्फबाट १४ सय विघा जग्गा दान भयो । त्यसले जनकपुरमा दुई कुटी र ७२ कुण्ड सहरको रूपमा निर्माण भयो । तर, अहिले आएर जनकपुरका सबै गुठी र कुटी तथा ५२ कुण्ड ४० कुण्डमा झरी सक्यो । सबै स्थानीय प्रशासन जनप्रतिनिधि, पत्रकार, ठेकेदार मिलेर त्यहाँका जग्गाको लुट गर्दै छन् । त्यसमा सबै सरोकार साझेदारहरूको ध्यानाकर्षण गराउँदै जिम्मेवार हुन आग्रह गर्दछु ।"