![धितोपत्र बोर्डको अध्यक्ष नियुक्तिमा चलखेल नगर्न लगानीकर्ता संगठनको ध्यानाकर्षण](https://12khari.top/uploads/posts/Dhitopatra Board1691685940.jpg)
काठमाडौं । पुँजी बजारमा लगानी गर्ने लगानीकर्ताका चार संगठनले नेपाल धितोपत्र बोर्डको अध्यक्ष नियुक्तिमा चलखेल नगर्न सरकारको ध्यानाकर्षण गराएका छन् ।
संयुक्त विज्ञप्ति जारी गर्दै लगानीकर्ताका संगठनहरू जनरल इन्भेस्टर एसोसिएसन, नेपाल सेयरधनी संघ, नेपाल धितोपत्र लगानीकर्ता संघ र साधारण लगानीकर्ता संघ नेपालले दक्ष व्यक्ति अध्यक्ष नियुक्त गर्नुपर्ने माग गरेका हुन् ।
बोर्डको अध्यक्ष नियुक्तिलाई पारदर्शी बनाउन यी संगठनले सरकारसँग माग गरेका हुन् ।
“संवेदनशील निकायमा पार्टीगत भागबन्डा, पैसा र शक्तिको आडमा गरिने कार्यले स्वच्छ लगानीको वातावरण सिर्जना गर्न सक्दैन” संयुक्त विज्ञप्तिमा उल्लेख छ “अनुभवी, स्वतन्त्र, पुँजी बजारसम्बन्धी राम्रो ज्ञान भएको विज्ञ व्यक्तिलाई सरकारले यथाशक्य बोर्डमा नियुक्त गरोस्, अन्यथा तथ्यगत प्रमाणको आधारमा आवश्यक कदम चाल्न बाध्य हुनेछौँ ।”
![Global Ime bank](https://baahrakhari.com/uploads/bigyaapan/30885600.gif)
केही व्यावसायिक घरानाका व्यक्तिहरू आफ्नो निहित स्वार्थको लागि बोर्ड अध्यक्षमा नजिकको मान्छे नियुक्त गर्न लागिपरेको भन्दै संघहरूले ध्यानाकर्षण गराएका हुन् ।