काठमाडौं । प्रतिपक्ष दल राष्ट्रिय प्रजातन्त्र पार्टीका महामन्त्री समेत रहेका सांसद धवलशमशेर जंगबहादुर राणाले प्रहरी सेवामा एसएसपी बढुवालाई लिएर गृह मन्त्रालयको ध्यानाकर्षण गराएका छन् । 

मंगलबारको प्रतिनिधिसभाको शून्य समयमा बोल्दै उनले कनिष्टलाई वरिष्ठ बनाएर बढुवा गर्न लागिएको भन्दै आपत्ति जनाए । 

“कनिष्टलाई वरिष्ठ, वरिष्ठलाई कनिष्ट बनाउने काम भइरहेको छ,” उनले भने । सांसद राणाले यसरी बढुवा गरिएको हो भने प्रहरी सेवामा प्रहरीको मनोबल घट्ने र देशको हितमा काम नहुने बताए ।