काठमाडौं । नेकपा (एमाले)का अध्यक्ष केपी शर्मा ओलीले शिक्षामन्त्री सुमना श्रेष्ठलाई मैले के भनेको भनि प्रतिप्रश्न गरेका छन् । 

शुक्रबार भरतपुर विमानस्थलमा सञ्चारकर्मीको प्रश्नमा उनले सोधे, “शिक्षामन्त्रीसँग मैले के भनेको छु ?” 

ओलीले नेपाल घुम्न आएकी मन्त्री भइन् भनेर दिएको अभिव्यक्तिमा आलोचना भइरहेको छ । उनले आफूले भनेको कुरा कुनै व्यक्ति विशेषसँग सम्बन्धित नरहेको बताए ।

त्यसलाई अनावश्यक रूपमा जोड्न आवश्यक नरहेको पनि बताए । “त्यो कसैसँग सम्बन्धित छैन । कसैसँग नाम, ठेगाना मिलेजस्तो लाग्दैन,” ओलीले भने, “त्यसलाई अनावश्यक ढंगले जोड्नु व्यर्थ हुन्छ ।”