काठमाडौं । आईसीसी ट्वान्टी २० विश्वकपको दोस्रो दिन ओमानले नामिबियासामु ११० रनको लक्ष्य प्रस्तुत गरेको छ । 

सोमबार ब्रिजटाउनमा जारी खेलमा टस हारेर ब्याटिङमा आएको ओमानले १९.४ ओभरमा सबै विकेट गुमाएर १०९ रनको योगफल खडा गरेको हो । 

ओमानका खादिल कैलले ३४ रन बनाए । जिसान मक्सुदले २२ रन थप्दा आयान खानले १५ र साकिल अहमेदले ११ रन जोडे । ओमानका कश्यप प्रजापति र कप्तान अकिब इल्यास गोल्डेन डक भएका थिए ।

ओमानलाई सस्तैमा समेट्न नामिबियाका रुबेन ट्रम्पेलमेनले चार विकेट लिए । डेविड वाइजेले तीन विकेट लिँदा गेहार्ड इरास्मसले दुई र बेर्नार्ड स्कल्जले एक विकेट हात पारे । 

दोस्रो इनिङमा ब्याटिङ गरिरहेको नामिबियाले हाल ६ ओभर समाप्त हुँदा एक विकेट गुमाएर ३२ रन बनाएको छ । नामिबियाबाट हाल क्रिजमा रहेका निकालेस ड्याभिन १६ र जान फ्रयांकलीन १५ रनमा खेलिरहेका छन् । त्यसअघि ओपनर मिचेल मान लिंगेन शून्यमा आउट भएका थिए ।