काठमाडौं । अभिनेता दयाहाङ राईले हरेक चलचित्र आफैँमा भिन्दै हुने भएकाले हेर्दा पनि त्यहीअनुसार तुलना र अपेक्षा नगरी हेर्नुपर्ने बताएका छन् । इन्टरनेसनल फिल्म फेस्टिभलमा गएका चलचित्र हेर्न हलमा जाँदा पनि खाली दिमाग लिएर जानुपर्नेमा उनको जोड छ । 

फेस्टिभलमा गएको सिनेमा कस्तो हुन्छ भनेर हेर्नुभन्दा पनि अरु चलचित्र सरह नै हेर्नुपर्ने उनको धारणा छ । “खाली दिमागले सिनेमा हेर्ने हो । यो फेस्टिभलमा गएको अथवा यो मेकरको सिनेमा भनेर एकखालको छुट्टै अवधारणा बनाएर हामी चलचित्र हेर्न जान्छौँ,” दयाहाङ बाह्रखरीसँग भन्छन्, “हाम्रो अवधारणा र अपेक्षासँग मेल नखाएपछि त्यो सिनेमा वाहियात लाग्नसक्छ । यो कुराबाट मुक्त भएर हामी सिनेमा हेर्दा स्वतन्त्र भएर हेर्नुपर्छ भन्ने मेरो बुझाइ छ ।” 

• के हो दयाहाङले भन्न सक्तिनँ तर सिकेर आएको छु, गर्न सक्छु भनेको ?

फेस्टिभल गएका सिनेमालाई अफ्ठ्यारोगरी र स्वदेशी बजारका लागि मात्रै बनेका चलचित्रलाई सजिलोगरी हेर्ने अथवा सहजै स्वीकार्ने बानी बसाल्न नहुनेमा उनको जोड छ । प्रत्येक चिलचित्र छुट्टाछुट्टै भएकाले त्यहीअनुसार स्वतन्त्र भएर हेर्नुपर्ने उनी बताउँछन् । 
   
आफैँले काम गरेका र विदेशी फेस्टिभलमा गएका यसअघिका चलचित्र निर्देशकले आफ्नै बुझाइमा रहेर स्टोरी टेलिङ गरेको दयाहाङको भनाइ छ । बजारमा रेगुलर हेरेजस्तो चलचित्र नहुँदा अपेक्षा पूरा नहुने र ब्यापारिक रूपमा फेस्टिभलमा गएका सिनेमा धेरै नचलेको उनको तर्क छ ।

• नवीन सुब्बालाई प्रश्न– आलोचना सुन्ने पालो तपाईंको हो ? 

“अहिले बजारमा चलिरहेका सिनेमाको फर्मुलामा नरही आफ्नै कथ्यशैली आफ्नै हिसावको प्रयोग गर्दा दर्शलाई यस्ता चलचित्र हेर्ने आदत नभएको होला,” दयाहाङ भन्छन्, “तर गाउँ आएको बाटो लिनियर चलचित्र प्यार्टनमै छ । थ्रि एक्ट स्ट्रक्चरमै छ । जुन सहजै सबैले बुझ्ने कथ्यशैली हो ।” 

• जब दयाहाङले आफ्नो कमजोरी थाहा पाए...