काठमाडौं । राप्रपा नेपालमा थप पदाधिकारी मनोनयन गरिएको छ । पार्टी महामन्त्री भास्कर भद्राका अनुसार पार्टी अध्यक्ष कमल थापाले पार्टीको विधानबमोजिम आठजना नेतालाई पदाधिकारीमा मनोनयन गरेका हुन् ।

उनका अनुसार सिरहाका हरिनारायण यादवलाई वरिष्ठ नेतामा मनोनयन गरिएको छ । यसैगरी, तनहुँका दुर्गा श्रेष्ठ, पाँचथरका तेजकुमार कुरुम्बाङ र भक्तपुरका यवती कार्कीलाई उपाध्यक्षमा मनोनयन गरिएको छ ।

यस्तै, गोरखाका हिक्मतजंग भण्डारी र भक्तपुरका रामसुन्दर विष्टलाई सहमहामन्त्रीमा मनोनयन गरिएको छ ।

काठमाडौंका रामकुमार रिजाल र श्यामबहादुर खत्रीलाई सहायक महामन्त्रीमा मनोनयन गरिएको राप्रपा नेपालले जनाएको छ ।