काठमाडौं । पाल्पाको रम्भा गाउँपालिका–५ स्थित एक होटेलमा ३५ वर्षीया महिलालाई बलात्कार गरेको आरोपमा एकजना पक्राउ परेका छन् । 

पक्राउ पर्नेमा बाराको जितपुर सिमरा उपमहानगरपालिका–७ बस्ने २७ वर्षीय मुकेश महतो छन् । उनलाई आइतबार साँझ प्रहरीले पक्राउ गरेको हो ।

मुकेशले ती महिलालाई शनिबार बेलुकी बलात्कार गरेको भन्ने उजुरीको आधारमा प्रहरी चौकी ताँहु र जिल्ला प्रहरी कार्यालय पाल्पाबाट खटिएको टोलीले उनलाई पक्राउ गरेको जनाइएको छ ।