काठमाडौं । नेकपा (एमाले)का प्रमुख सचेतक महेश बर्तौलाले नेपाली कांग्रेसले सभामुखको बदनाम काम गरेको बताएका छन् । 

शुक्रबार सञ्चारकर्मीसँगको कुराकानीमा उनले हिजोको सदनमा कांग्रेसलाई जानकारी गराएअनुसार नै सभामुख अघि बढेको बताए । “संसदीय दलको बैठक बसेर एकजना कोही मान्यले पत्रकार सम्मेलन गरेर सभामुखमाथि बदनाम गर्ने काम गर्नुभयो । त्यो सर्वथा झुट हो । राजनीतिमा यसप्रकारको बेइमानी गर्न मिल्दैन,” उनले भने । 

गल्ती आफू गरेर सभामुखमाथि दोष थुपार्न नपाइने बर्तौलाको भनाइ छ । “नेपाली कांग्रेसको अलोकतान्त्रिक चरित्र उदांगो भएको छ,” उनले भने, “गलत र एक प्रकारको उदण्डता आफू गर्ने अनि दोष अरुलाई लगाउने यो मिल्छ ?” उनले प्रमुख प्रतिपक्षले शैली बदल्नुपर्ने बताए ।