![राष्ट्र बैंकले आगामी वर्षको मौद्रिक नीति लचिलो बनाउने](https://12khari.top/uploads/posts/rastra-bank-nrb1-1697437469.jpg)
काठमाडौं । नेपाल राष्ट्र बैंकले आगामी आर्थिक वर्ष २०८१/०८२ को मौद्रिक नीति लचिलो बनाउने घोषणा गरेको छ । चालु आर्थिक वर्ष २०८०/०८१ को मौद्रिक नीतिको तेस्रो त्रैमासिक समीक्षामार्फत आन्तरिक आर्थिक गतिविधि एवम् मुद्रास्फीतिको अवस्था र आगामी वर्षको बजेटलाई हेरेर मौद्रिक नीति लचिलो बनाइने राष्ट्र बैंकले जनाएको छ ।
“पछिल्लो आन्तरिक एवम् बाह्य आर्थिक स्थिति र परिदृश्यका आधारमा वार्षिक मौद्रिक नीतिमा लिइएको सजगतापूर्वक लचिलो कार्यदिशालाई निरन्तरता दिइएको छ,” मौद्रिक नीतिको समीक्षामा उल्लेख छ, “आन्तरिक आर्थिक गतिविधि एवम् मुद्रास्फीतिको अवस्था साथै नेपाल सरकारको आर्थिक वर्ष २०८१/०८२ को वार्षिक बजेटलाई दृष्टिगत गरी मौद्रिक नीति तर्जुमा गर्दा यथोचित व्यवस्था गरिनेछ ।”