site stats
बाह्रखरी :: Baahrakhari
राजनीति
Nabil BankNabil Bank
सरकार निजी क्षेत्रको प्रवर्द्धनको पक्षमा छ, ढुक्क भएर लगानी गर्नुस् : प्रधानमन्त्री
फाइल तस्बिर

काठमाडौं । प्रधानमन्त्री पुष्पकमल दाहाल ‘प्रचण्ड’ले सरकारको ध्यान नीति तथा कार्यक्रम अनुरूपको बजेट निर्माणमा केन्द्रित रहेको बताएका छन् । शुक्रबार काठमाडौंमा स्वतन्त्र ऊर्जा उत्पादक संघ (इप्पान) को २२औँ वार्षिकोत्सव कार्यक्रममा बोल्दै उनले सरकारले प्रस्तुत गरेको नीति तथा कार्यक्रममा पनि निजी क्षेत्रलाई पर्याप्त सम्बोधन गर्न जोड गरिएको बताए ।

उनले ऊर्जा क्षेत्रमा ढुक्क भएर लगानी गर्न आग्रह गर्दै संरक्षण, समन्वय, सहजीकरण र सहायताका लागि सरकारले हरसम्भव प्रयास गर्ने जानकारी दिए । प्रधानमन्त्री प्रचण्डले तेस्रो लगानी सम्मेलनबाट लगानी भित्र्याउनका लागि स्वदेशी तथा विदेशी लगानीकर्तामाझ बलियो र सकारात्मक सन्देश प्रवाहित भएको दाबी गरे । उनले लगानी प्रवर्द्धनमा बाधक देखिएका ऐनहरू अध्यादेशमार्फत संशोधन गरिएका कारण पनि अब लगानीका लागि दुविधा राख्नुपर्ने परिस्थिति क्रमशः अन्त्य भएको जिकिर गरे । सरकार निजी क्षेत्रको प्रवर्द्धनको पक्षमा रहेको प्रधानमन्त्री प्रचण्डको भनाइ छ । 

Prabhu Bank
Agni Group
NIC Asia

“लगानी र निर्माण गर्ने वातावरण महत्वपूर्ण हुन्छ । भर्खरै हामीले तेस्रो लगानी सम्मेलन सम्पन्न गरेका छौँ । यसले पनि लगानी भित्र्याउनका लागि स्वदेशी तथा विदेशी लगानीकर्तामाझ बलियो र सकारात्मक सन्देश प्रवाहित भएको छ । लगानी प्रवर्द्धनमा बाधक देखिएका ऐनहरू अध्यादेशमार्फत संशोधन गरिएका कारण पनि अब लगानीका लागि दुविधा राख्नुपर्ने परिस्थिति क्रमशः अन्त्य भएको छ । सरकारले देशभित्र र देश बाहिरबाट लगानीमैत्री वातावरण बनउने र लगानी आकर्षित गर्न नै मैले जोड नै गरेर आठवटा ऐन एकैपटक संशोधन गरेको हो,” उनले भने, “अब हाम्रो ध्यान नीति तथा कार्यक्रमअनुरूपको बजेट निर्माणमा केन्द्रित छ । सरकारको तर्फबाट म भन्न चाहन्छु ढुक्क भएर ऊर्जामा लगानी गर्नुस् । तपाईंहरूको लागि संरक्षण, समन्वय, सहजीकरण र सहायताका लागि सरकारले हरसम्भव प्रयास गर्नेछ ।”

प्रधानमन्त्री प्रचण्डले विद्युत् निर्यातको दीर्घकालीन सम्झौता ऊर्जा विकासको लागि कोशेढुंगा हुने बताए । उनले नेपाल विद्युत् आयात गर्ने मुलुकबाट विद्युत् निर्यात गर्ने मुलुकमा रुपान्तरित भएको दाबी गरे । स्वदेशभित्रै विद्युत् खपतका लागि समेत धेरै योजना र कार्यक्रम अघि बढाइरहेको प्रधानमन्त्रीको भनाइ छ । उनका अनुसार पेट्रोलियम पदार्थको आयात घटाउँदै जाने र विद्युतीय सवारीसाधनलाई प्रोत्साहित गरी विद्युत्‌काे खपत बढाउँदै जाने सरकारको योजना छ । न्युज एजेन्सी नेपाल
 

Global Ime bank

NIBLNIBL
प्रकाशित मिति: शुक्रबार, जेठ ४, २०८१  १०:३२
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Shivam Cement DetailShivam Cement Detail
Maruti cementMaruti cement
सम्पादकीय