काठमाडौं । प्रधानमन्त्री पुष्पकमल दाहाल ‘प्रचण्ड’, नेकपा (एमाले)का अध्यक्ष केपी शर्मा ओली र उपप्रधान एवं गृहमन्त्री रवि लामिछानेबीच छलफल जारी छ । प्रधानमन्त्रीको सरकारी निवास बालुवाटारमा तीन नेताबीच छलफल भइरहेको स्रोतले जानकारी गराएको छ ।

संसद्को गतिरोध अन्त्य र समसामयिक विषयमा छलफल गर्न नेताहरू जुटेका हुन् । यी तीन नेताबीच बुधबार पनि सिंहदरबारमा छलफल भएको थियो । आजको संसद् बैठकअघि पनि नेताहरू छलफलमा जुटेका हुन् ।

प्रमुख प्रतिपक्ष दल नेपाली कांग्रेसले सहकारीको बचत हिनामिनाबारे छानबिन गर्न संसदीय समिति नबनाइएसम्म संसद् बैठक सञ्चालन गर्न दिने अडान लिएको छ ।