काठमाडौं । यो साता धितोपत्र दोस्रो बजार मापक नेप्से परिसूचक घटेको छ । गत साता ३३ अंकले बढेको नेप्से यो साता ३२.७२ अंकले घटेको छ । नेपाल स्टक एक्सचेन्ज (नेप्से)का अनुसार यो साता पाँच दिन सेयर कारोबार भएकोमा तीन कारोबार दिन नेप्से घटेको छ । दुई दिन बढेको छ । 

गत साता भने चार दिन सेयर कारोबार भएकोमा तीन कारोबार दिन बढेको थियो । तर, यो साता भने आइतबार, सोमबार र बुधबार बजार घटेको छ । नेप्सेका अनुसार आइतबार २४.५८ अंकले बजार घटेको थियो भने सोमबार १५.६२ अंक र बुधबार ०.२१ अंकले बजार घटेको थियो ।

गत साताको तुलनामा यो साता कारोबार रकममा पनि कमी आएको छ । यो साताको पाँच दिनमा १४ अर्ब ५७ करोड ५४ लाख रुपैयाँको काराबोर भएको छ । गत सात चार दिनमा १४ अर्ब ४९ करोड ५८ लाख रुपैयाँको सेयर कारोबार भएको थियो । गत साताको तुलनामा यो साता सात करोड ९५ लाख रुपैयाँभन्दा बढीले कारोबार रकम घटेको हो ।

कुल बजार पुँजीकरण पनि ५१ अर्ब ९० करोड रुपैयाँले घटेको छ । बिहीबार कुल बजार पुँजीकरण ३१ खर्ब ६९ अर्ब ६० करोड रुपैयाँ छ । गत साताको अन्तिम दिन कुल बजार पुँजीकरण ३१ खर्ब ६९ अर्ब ६० करोड रुपैयाँ थियो ।

यो साताको अन्तिम दिन बिहीबार बजार १९६६.२३ विन्दुमा बन्द भएको छ । साताको अन्तिम दिन तीन अर्ब १२ करोड १२ लाख रुपैयाँको सेयर कारोबार भएको छ । सो दिन कारोबारमा आएका १३ समूहगत परिसूचकमध्ये जीवन बिमा, उत्पादन तथा प्रशोधन र लघुवित्त समूहको परिसूचक घटेको छ ।