काठमाडौं । नेकपा (एमाले)ले सहकारीको बचत अपचलन प्रकरणमा उपप्रधान एवं गृहमन्त्री रवि लामिछानेलक्षित गरी संसदीय छानबिन समिति बनाउन सम्भव नरहेको जनाएको छ ।

मंगलबार सिंहदरबारमा सभामुख देवराज घिमिरे र प्रमुख दलका शीर्ष नेताबीचको छलफलपछि सञ्चारकर्मीसित एमालेका प्रमुख सचेतक महेश बर्तौलाले भने, “कांग्रेस गृहमन्त्रीलक्षित रहेर समिति बनाऊँ भन्छ, त्यो सम्भव छैन ।”

उनले पहिले सदनमा गृहमन्त्रीको कुरा सुन्नुपर्नेमा जोड दिए । “अरूको कुरा सुन्ने सामर्थ्य कांग्रेसले राख्नुपर्छ । अनि मात्र कांग्रेसलाइ सुन्न सकिन्छ,” बर्तौलाले भने ।

छलफलका क्रममा एमाले अध्यक्ष केपी शर्मा ओलीले संसद् बैठकमा गृहमन्त्रीलाई त्यसबारे स्पष्ट पार्ने मौका दिनुपर्ने बताएका थिए ।