इलाम । इलाम क्षेत्र नम्बर–२ को उपनिर्वाचनअन्तर्गत फाकफोकथुम गाउँपालिकाका १, २ र ३ नम्बर वडाको मतगणना सकिएको छ । प्रारम्भिक मतगणनाअनुसार नेपाली कांग्रेसका उमेदवारले ‘लिड’ गरिरहेका छन् । कांग्रेस उमेदवार डम्बरबहादुर खड्काले एक हजार ६५८ मत प्राप्त गरेका छन् ।

दोस्रो स्थानमा नेकपा (एमाले)का उमेदवार छन् । एमाले उमेदवार सुहाङ नेम्वाङले एक हजार ६३० मत प्राप्त गरेका छन् । उनीहरूबीचको मतान्तर २८ छ ।

तेस्रो स्थानमा स्वतन्त्र उमेदवार (चुनाव चिह्न मुढा) डकेन्द्र थेगिम छन् । थेगिम फाकफोकथुम–३ निवासी हुन् । यहाँ एक हजार ३१४ मत खसेको थियो । त्यसमध्ये उनले ११७ मत मात्र प्राप्त गरे । तीन वडामा गरी उनले ४३० मत पाएका छन् ।

चौथो स्थानमा राष्ट्रिय स्वतन्त्र पार्टी (रास्वपा)का उमेदवार मिलन लिम्बू छन् । उनले ३०८ मत प्राप्त गरेका छन् ।

हालसम्म ४४ मत बदर भएको छ । चार हजार १५० मतगणना सकिएको छ ।