राजनीति

काठमाडौं । प्रधानमन्त्री केपी शर्मा ओलीसित थाइल्यान्डका ‘वरिष्ठ’ व्यवसायीले भेटवार्ता गरेका छन् । थाइल्यान्डको औपचारिक भ्रमणमा रहेका प्रधानमन्त्रीसित बिहीबार (अप्रिल ३) बैंककमा त्यहाँका व्यवसायीले भेटवार्ता गरेका हुन् ।
त्यस अवसरमा नेपाली व्यवसायी प्रतिनिधिमण्डलका सदस्य पनि सहभागी रहेका परराष्ट्र मन्त्रालयले जानकारी गराएको छ ।
प्रधानमन्त्री ओली थाइल्यान्डको औपचारिक भ्रमण र बहुक्षेत्रीय प्राविधिक तथा आर्थिक सहयोगका निम्ति बंगालको खाडीको प्रयास (बिम्स्टेक)को छैटौँ शिखर सम्मेलनमा भाग लिन मंगलबार (चैत १९) त्यसतर्फ प्रस्थान गरेका थिए ।
त्यहाँ निर्धारित कार्यक्रम सकाएर प्रधानमन्त्री नेतृत्वको टोली यही चैत २३ गते स्वदेश फर्कने तय छ ।
प्रकाशित मिति: बिहीबार, चैत २१, २०८१ १०:०१
प्रतिक्रिया दिनुहोस्