काठमाडौं । काठमाडौंको नागढुंगाबाट लागुपदार्थ सेवन (लापसे) गरी सवारी साधन चलाउँदै गरेका पाँचजना चालकलाई शुक्रबार ट्राफिक प्रहरीले नियन्त्रणमा लिएको छ ।
कर्णाली प्रदेश ०२–००१ ख ०४४४ नम्बरका बस चालक सुर्खेतको भेरीगंगा नगरपालिका–९ का ३० वर्षीय अविरल प्रेम बिक, वाग्मती प्रदेश ०१–००६ ख ६३४९ नम्बरका माइक्रो चालक तनहुँको आँबुखैरेनी नगरपालिका–६ का २२ वर्षीय इन्द्रबहादुर गुरुङ रहेका छन् ।
यसैगरी, बा ३ ख ८१६३ नम्बरका माइक्रो चालक चितवनको भरतपुर महानगरपालिका–८ का ३३ वर्षीय धुर्व बस्याल, बा २ ख ३९१ नम्बरका माइक्रो चालक धादिङको गंगा जमुना गाउँपालिका–६ का २४ वर्षीय रमेश बिक र वाग्मती प्रदेश ०१–०२९ च २८ १३ नम्बरका माइक्रो चालक तनहुँको म्याग्दे गाउँपालिका–१ का २२ वर्षीय सलन सुनारलाई ट्राफिक प्रहरीले नियन्त्रणमा लिएको हो ।
नेपाल प्रहरी अस्पतालको प्राविधिक सहयोगमा काठमाडौं उपत्यका ट्राफिक प्रहरी कार्यालय, लागुऔषध नियन्त्रण ब्युरो र प्रहरी प्रभाग नागढुंगाको संयुक्त टोलीले चेक गर्दा लागुपदार्थ सेवन गरी सवारी साधन चलाइरहेको अवस्थामा फेला परेका उनीहरूलाई आवश्यक अनुसन्धान तथा कारवाहीका लागी प्रहरी वृत्त थानकोट पठाइएको छ ।