site stats
बाह्रखरी :: Baahrakhari
खेल
Global Ime bankGlobal Ime bank
सन्दीप जोराको अर्धशतकमा नेपालले यूएईलाई दियो १२० रनको लक्ष्य 

काठमाडौं । सन्दीप जोराको अर्धशतकप्रेरित नेपालले एसीसी प्रिमियर कपको सेमिफाइनलमा युनाइटेड अरब इमिरेट्स (यूएई) विरुद्ध १२० रनको लक्ष्य प्रस्तुत गरेको छ ।

शुक्रबार ओमानको अल अमेरत क्रिकेट मैदानमा सन्दीप जोराबाहेक अन्य ब्याटर चल्न नसक्दा टस हारेर ब्याटिङमा आएको नेपालले निर्धारित २० ओभरमा नौ विकेट गुमाएर ११९ रनमात्र बनाएको हो ।

सन्दीपले ३९ बलमा चार चौका र दुई छक्कासहित ५० रन बनाए । ट्वान्टी–२० अन्तर्राष्ट्रिय क्रिकेटमा सन्दीपको यो तेस्रो अर्धशतक हो । गुल्सन झाले २० र करण केसीले १७ रन बनाए । यसबाहेक नेपाल अन्य ब्याटरले दोहोरो अंकमा रन जोड्न सकेनन् ।

नेपाल आसिफ सेखलाई आठ रनमा गुमाउँदा कुशल भुर्तेल गोल्डेन डक भएका थिए । कप्तान रोहितकुमार पौडेल र दीपेन्द्रसिंह ऐरी समान पाँच रनमा आउट हुँदा कुशल मल्लले पनि तीन रनमात्र थप्न सके । सोमपाल कामी दुई रन थपे ।

नेपाललाई सस्तैमा रोक्न यूएईका बसिल हमिद, अलि नासिर र जुनैद सिद्दिकीले समान दुई विकेट लिए । मुहम्मद फारुक, अयान अफजल खान र ओमिद सफी रहमानले एक–एक विकेट हात पारे । प्रतियोगिताको साविक विजेता समेत रहेको नेपाललाई एसिया कप छ्नोट हुने सम्भावना कायम राख्न आज जित्नैपर्ने दबाब छ ।

प्रकाशित मिति: शुक्रबार, वैशाख ७, २०८१  १३:२५
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro