काठमाडौं । अख्तियार दुरुपयोग अनुसन्धान आयोगले विराटनगर भन्सारका तत्कालीन प्रमुख ताराप्रसाद सापकोटा र भन्सार अधिकृत नवकुल शर्माविरुद्ध भ्रष्टाचार मुद्दा दायर गरेको छ ।

देश इन्टरनेसनल प्रालिले चीनबाट ल्याएको सामानको न्यून बीजकीकरण गरी प्रज्ञापनपत्रसमेत सिस्टमबाट डिलिट गराएर ८४ लाख ५५ हजार ६०५ रुपैयाँ राज्यलाई नोक्सान पुर्‍याएको अभियोगसहित अख्तियारले मुद्दा दायर गरेको हो ।

उनीहरूमाथि बिगोबमोजिम जरिवाना र थप सजायको माग अख्तियारले गरेको छ । भन्सार विभाग र अर्थमन्त्रालयले समेत ताकेता गरेपछि कार्यालयका तर्फबाट सापकोटा र शर्माले नयाँ प्रज्ञापनपत्र देखाएर अर्कै कारोबार विवरण तयार पारेको अभियोगमा उल्लेख छ ।